動物保育有真假！慎防「偽大象保育園」！

最近有朋友sent了一張相給我，相中一位KOL身穿美艷性感衣著，化行妝set行頭跟大象合照~ 而對方更聲稱自己在清邁做大象義工乜乜乜…

朋友問點解我上次去大象保育做到隻狗咁病晒返嚟，同哩位KOL有咁大分別呢？嗱~ 即係咁！哩個世界有好多嘢都係魚目混珠的。包括所謂的大象保育營！

記得上次去做義工，個導師帶我哋去到河邊，指住遠處一堆象，問我哋有無發現另一堆象特別乾淨？

又係喎~ 我們保育營的象都滿身泥，旁邊另一家的象都乾乾淨淨的~ 導師說，其實清邁有好多偽保育營，以保育作招倈，實際係俾遊客玩樂影相呃like的商業項目。

遊客每日都可以同大象去河邊禧水，又可以餵食香蕉，同象BB玩…當然，亦有好多出租大象俾人影結婚相等等…

大象被逼每日到河邊洗澡(一日幾次)，大家唔好以為咁好爽皮。因為咁樣會洗走大象皮膚上的保護層，令佢哋容易曬傷、被蟲咬甚至染感病毒…係百害而無一利！

大象會洗澡，但唔會日日洗，而且佢哋最後會用水和泥混埋一齊噴上身，讓泥水作為天然的保護膜。所以真正的大象保育營，大象大多數都滿身泥。

哩種偽保育，好多時為咗節省成本，亦只會俾遊客餵單一食物(例如香蕉)，但咁不但造成營養不良，好多大象還因此而患上眼疾甚至失明。

真正的大象保育，亦唔會俾遊客同大象(尤其BB象)有過多身體接觸，好似我哋去七日都只可以在旁邊摸一摸。一來安全問題，如果遊客受傷，係咪要拎隻象去人道毁滅呢？二來BB象抵抗力弱，亦容易受人類病菌感染，所以保育機構係從來唔鼓勵我哋隨意去接觸大象的！

好！講到哩度，相信大家都心中有數！

俾遊客同大象隨意接觸；大象日日洗澡同你禧水；俾你餵單一食物；俾你同D大象影寫真……哩D統統都係「偽保育」活動！

真係去做保育義工，其實係唔會有咁多時間同空間去影寫真o架~ 日日做到隻積咁，又擔又抬又污糟又曬又熱又無熱水沖涼又無覺好瞓……如果咁都仲可以影到D咁o既相，就真係好神奇！(咁當然，有啲人覺得去餵下大象食蕉都當係做咗義工o架喇~ )

btw~ 其他嘢我無話可說，但哩種偽保育不但灌輸了錯誤觀念，保育為名但做一D傷害大象o既事，賺錢呃like為實，作為保育義工，實在有必要講出真相，以正視聽！

大家真係要小心去分辨！無謂好心做壞事。

有心去做大象保育義工，可到此網站瀏覽
https://www.elephantnaturepark.org/

關於 Elephant Nature Park 的成立目的及保育項目，請到官方網頁瀏覽。