顧客回饋—心路回溯療癒回饋

多謝這位客人的詳細分享！老實說我們也不太能明確介紹心路回溯究竟是做什麼的，因為每個客人所經歷到、所感受到的都有不同，只能透過客人的分享，讓大家更了解心路回溯的意義。它不盡是催眠，更多的，是幫助你與自己的身心和解！希望這個心靈手術，能發揚光大，療癒更多人

「Hello Jenny, 想分享一下啱啱完結療程既心情先，係覺得好似跑左10k咁攰啊！但係好值得！因為唔係做左依個療程我唔會知道，原來一直卡住左係我心底既係依一舊野，係依個療程入面成件事會好赤裸咁放係你面前，但係你既引導同陪伴下好似多左好多好多勇氣去面對。

想講個日我係忙完野趕頭趕命咁衝過嚟，本嚟以為咁趕急我今日會唔會入唔到狀態呢，但係聽到個砵既聲同埋協助我慢慢放鬆既引導，真係不期然咁放鬆左舒服左，然後你慢慢咁引導我入去當年內在小孩既心情，啲眼淚湧得突然到我都嚇左嚇，成件事好自然好順暢，好舒服咁引導我深入一直唔敢面對既心情，好溫柔咁陪住我一齊去清理，本嚟覺得好難解決既心結係療程入面真係透過你陪住我深入咁感受慢慢咁釋放！

我明白要完全清理哂內在既恐懼唔係一件簡單既事情，但至少依家我知道當我一個人做唔到既時候我可以去邊到搵到幫助

完成左療程之後個幾日，我分享我係整合情緒既過程，你都會好準確咁係我一堆好亂好亂既心情入面幫我指出我要望既方向，感謝你！係療程入面挖到最大既心結出嚟清理之後，個感受好神奇，個人輕鬆左之餘好多眼前自己創造比自己既煩惱都無咁困擾到自己！個心終於感受到穩陣左同平靜既心情

完成左成個療程，我個下個腦整係覺得好感謝同埋好值得！！好開心可以認識到你亦都有好慶幸有機會去進行依個療程！祝福你啊Jenny」