關於疫苗

我並唔係一個反疫苗o既人。我反對o既，係強制、係盲目服從。

每個人都應該為自己健康/身體負責。因此，我們都應該尊重各人有自己o既意願。對於別人o既決定，我個人係從來都無意見，因為每個人的身體狀況唔同，你打咗無事，唔代表人哋打咗都無事，反之亦然。

有人會相信世衞/政府專家，佢哋話安全就係安全；有人會睇好多小道新聞，話疫苗有幾恐怖幾危險，一定唔可以打。但經歷過2019年，相信無論你係咩立場，都會好明白一件事︰政府/專家講o既就算係事實，都唔會係事實o既全部。同樣，小道消息亦有好多係fake news。如果我哋只係盲目相信其中一方，都唔可能對事情有全面o既了解。

哩段日子，我study咗好多新聞、研究。亦join咗好多群組，問咗身邊好多朋友、醫師，了解好多人打疫苗之後o既副作用、後遺症，暫時得出咗以下結論︰
。 Omicron不會攻擊肺部，所以中咗，對身體o既傷害相對輕微。
。 Omicron有機會造成腦霧，但疫苗副作用中，亦有對腦部作出損害的個案。
。 疫苗對Omicron作用不大，更無助阻止傳播。
。 抵抗力較弱(例如老人家、隱疾、長期病患者)，無論有無打疫苗，患重症機會都較大。
。 根據多國對Omicron感染的統計數字，有接種疫苗的感染率，比未接種疫苗的感染率高。
。 無論有沒有接種疫苗，都一樣會成為播菌者。而接種疫苗者(因為病徵輕微)更有可能成為隱形傳播者。
。 歐洲藥品管理局已發警告，多次注射疫苗，會傷害人體自身的免疫系統。
。 疫苗副作用的個案，並非政府所描述得那麼冰山一角。身邊總可以找到正在經歷副作用的朋友，而且為數不少。最常見例子是月經失調、嚴重過敏、無原因的高血壓及心絞痛。
。 疫苗在香港是未經註冊藥物，政府不會就接種後事故承擔責任。
。 政府文件顯示疫苗產生的後遺症、副作用多達46項。
。 對於上述兩項內容，政府面對公眾從來都隻字不提。

身體係自己的，一個決定，可能對佢造成不可逆轉o既傷害。打/唔打，都唔係問題，問題係，你基於啲乜嘢去作出哩個決定。

於我嚟講，盡力去搵真相，多角度咁去研究，而唔係人講乜你就信乜，或盲目相信專家/政府/小道消息，咁先係對自己、對社會負責任。

更加唔應該鼓勵身邊人打/唔打，都係o個句，人哋因此出咗事，你係咪可以還返健康俾人？

真相，或者我哋現階段唔可能全部睇到晒，但至少，有努力去搵答案。而只有在了解咗真相的前提下，我哋先能夠作出對自己最好嘅決定。

堅持自己認為對的事，或者會帶來痛苦，但至少將來唔會後悔！